Kapil Dev-i Asia-Pacific Golf Championship nung shilem agitsü

New Delhi, September 18 (Agencies): India nunger cricket asayar mongin, Kapil Dev-i Delhi yimtiba nung ayongba IGU All-India Senior Golf Championship nung 5 buba jenjang anguba sülen Asia-Pacific Senior Golf Team Championship nung shilem agitsü jenjang tanü Hokolbar nü ajangzükogo.
1983 Cricket World Cup takok marok agizükba India captain, Dev-i tanü, tasembuba anogo nung points nine-over 81 ngua ajak agi points 23-over 239 ngua 5 buba jenjangji angu.
Lungki 54 densemba IGU asayamongji 1982 Asian Games gold medallist, Amit Luthra-i tanü points four-over 76 anguba densema ajak agi points 16-over 232 ngua akok.
China kübok Qingdao Club nung taruba October ita 14-16 nü tashi asayatsü ayongba Asia-Pacific Senior golf asayamong nung Dev aser Luthra na den külemi, Gangesh Khaitan, R.K. Yadav, IPS Mann aser Vijay Kumara Bhadana nungeri shilem agitsü jenjang ajangzüka lir.

You must be logged in to post a comment Login