Kapil Sharma-i TV show tasen ka tenzüktsü

Kapil-SharmaFebruary 04, 2016: Comedy king, Kapil Sharma-i pa sapurtem kanga peladaktsütsü. Pa indang taoba show ‘Comedy Nights With Kapil’ ji ‘Comedy Nights LIVE’ ajanga melener ta osang jembitepba sülen pa sapurtem maneni pa nem television circuit nung shilem agidaktsüner.

Tang osang tasen ka ajanga angashiba agi, Kapil aser pa ‘reel’ kibongi show tasen ka tenzüktsü. Hindustan Times osang ajanga, Kapil indang show tasenbaji ‘Comedy Style’ asütsü aser ibaji Sony Channel nung yoktsü ta metetdaktsü. Iba den külemi Gutthi (Sunil Grover), Palak (Kiku Sharda) aser Dadi (Ali Asgar) nungeria maneni shilem agitsü.

Iba dak sentakba nung Sunil Grover-ia twitter ajanga temaitsü ka metetdakja, “Ni kobi melii make up aginer. Tzünglu aruba mongpu matongdang nenok tanaben ajurutsü,” ta shiogo.

You must be logged in to post a comment Login