Kapil Sharma indang show tasenba nüngja Family Time agutsüogo

New Delhi, Tsüklai 15 (Agencies): Sony Entertainment nung sayutsü aliba Kapil Sharma indang show ‘Family Time’ ta nüngja agütsüogo. Iba show sayatsüba anogo tejangja tang tashi sangdonga mali saka Metsüremi (March) tatemlen nungi tenzüka iba show sayutsü akok ta, Indian Express sangdong ka ajanga metetdaktsü.
Family Time show nung Sunil Grover-i shilem magitsü ta jangjaogo saka Kiku Sharda aser Chandan Prabhakar nati bo shilem agitsü, ta Indian Express sangdong ajangasa metetdaktsü. “Tawa Sony TV aser Kapil na iba show meyipa bener arutsü atema senden ka nung sensaksema liasü. Kapil tang tajungba lir aser pai terprangertem peladaktsüa entertain asutsü. Metsüremi (March) tatemlen Family Tree sayatsü imladar,” ta source ka ajanga ashi.
Maneni, iba show tanaben sayatsü atema Kapil-i temulung lema shooting tenzükogo. ” Nüburtemi kü dang temeim sayuba atema ni kanga pelar. Ni TV show yagi meyipa aruner aser film nung shilem agitsüba atemabo bilema meliasü,” ta Pai osangbenertem dang ashi.