Kapil’er ‘Comedy Nights with Kapil’ sentong anenadoktsü akok

December 21 : India nunger comedian-actor, Kapil Sharma-i nüngtugu television sentong, ‘Comedy Nights with Kapil’ anenadoktsü renemba osang ka angazükogo.
“Kapil Sharma-i par nüngtugu Comedy Nights with Kapil sentong sangküm 2016 küm anenadoktsü akok,” ta DNA-i metetdaktsü.
Iba sentong sayuba channel, Color TV dang mepelaba yong Kapil aser par teloki Comedy Nights with Kapil sentongji joko anenadoktsü lemteba osang angazükogo ta parnoki ashi.
“Color TV channel nung wawamenü sentong tanga ishika sayutsü tenzüka lir aser tanüngba wawamenü sentongtem ama mekümdaktsütsü nükjidong nung Comedy Nights with Kapil sentong joko anenadoktsü bilemer,” ta Kapil-ia metetdaktsüogo.
Taoba mapang, June 22, 2013 nungi tenzüka Colors TV nung sayuba Comedy Nights with Kapil sentong anisang, Kapil-i 2013 Entertainer of the Year sempet agizüka lir.