Karachi nung tetsür tanur ka tashiyim agi raksatsür tepseta liasü

Karachi, Jul 31 (Agencies) : Pakistan financial capital, Karachi tezülen küm tenet aiür chanu ka tashiyim agi raksatsür tepseta liasü.

Iba tetsürla tasümangji yashi Abdullah Shah Ghazi Goth anasa Karachi tezülen angu. La ya Sachal Got tesem nung samar’er bushia liasü, ta police osang ajanga metetdaktsü.

Abbassi Shaheed hospital nung inyaker Dr Rohina Hasan-i ashiba agi, tetsürlaji tashiyim agi raksatsüogo aser alenseta südaktsü, ta additional police surgeon ajanga metetdaktsü.

Tetsürla temang nungji merenshia azükba tarak liasü ta la tebu-ia metetdaktsü.

Sohrab Goth DSP, Mohammad Khalid Khan ajanga ashiba agi, tetsürlaji Sachal Goth tesem nungi samar anogo ka sülen ang tsüraburi police nem osang agütsü.

Taküm February ita nunga küm ka ser tesadang tetsür chanu ka dak kasaji Karachi nung ataloka liasü.