Karan indang taruba film nung Hrithik-i shilem agitsü

Aenjeti/January 13, 2020 (Agencies): Karan Johar-i pa indang production company kübok film tasen ka yanglutsü asoshi sangdongogo. Iba film ya Nitin Gokhale indang kaket ‘R.N. Kao: Gentleman Spymaster’ nung ajemdaker yanglutsü.
Ajisüaka, film otsü dak sendakba nung Karan-i tanga osang memetetdaktsü. Tang osangtem ajanga angazükba agi, iba film nung RN Rao shilem atema Hrithik Roshan dang asüngdanga liasü. Iba mapang actor-i project nung inyaktsü asoshi tejangraba sayuogo, saka pai ano sign masü lir.
Iba film ya India nunger spymaster aser India indang external intelligence agency R&AW (Research and Analysis Wing) tentetsang, Rameshwar Nath Kao indang otsü asütsü.