Karan Johar-i tan mezüngsüa tzü nung raraba film produce asütsü

Mumbai, December 4, (Agencies) : Film yanglur karan Johar AA Films den lokteper India nung mezüngbuba tzü nung raraba “The Ghazi Attack” film produce asütsü.
Arishi küm 44 tain, director Karan-i iba osang Indian Navy Day nü metetdaktsü aser iba film ya February 17, 2017 nü sayatsü.
“Dharma Production-i The Ghazi Attack film atema AA film den lokteper inyakba atema nema tanga bilemer – Iba ya India nunger film rongnung tzü nung raraba mezüng film lir! @dharmamovies @RanaDaggubati,” ta Karan-i twitter ajanga lemsatep.
Ano post tanga ka nung pai, “#TheGhaziAttack film ya February 17, 2017 nü sayatsü aser iba mapang atongtsü kanga yongyar,” ta pai shia lir.
Rana Daggubati-i tongti shilem agiba ‘The Ghazi Attack’ film sayatsü osang ya Karan Johar indang Dharma Productions-ia metetdaktsükogo.
“Aikati mejangjai aliba rara – ‘The Ghazi Attack’ sayatsü. February 2017 #TheGhaziAttack @karanjohar @RanaDaggubati,” ta pa indang production ajanga metetdaktsü.