Karan Johar tanur ana tebu kümogo

March 5, 2017 (Agencies): Nüngtugu film yanglur aser Dharma Production nung tekolakba, Karan Johar-i tawa tanur ana adopt süogo. Iba osang pai Twitter ajanga pa sapurtem den lemsatep.
“Kü taküm nung Roohi aser Yash na bendenlokba tepela neonk den lemsateper. Ni iba tanur ana tebu akümtsü asoshi pela bilemer,” ta pai metetdaktsü.
Iba tanur ana iba limai ‘medical science’ tesüngmangtsütem ajanga arudaktsü, ta pai zülusemtsü. Pai maneni tanur abenla tenüng asang. Pa tarutsü sentongtem indang jembi dang pai ashiba agi, pa mapa atema senzüsenpongba aser mapatem ken toktsür, tetsü Hiroo Yash Johar aser medemertem den yaritepa tanur ana mesüba nung temolung agütsütsü.
Tusshar Kapoor shiba tawa tebu ka aküm pai iba osang, aser telemtetba tajung asoshi Johar nem tenüngsang agütsü.