Karan Singh Grover-i Bipasha atema sangro ka zülutsü

Mumbai, April 22, 2016 : Tan Bipasha Basu den kiyimtsü alisang, Karan Singh Grover-i kiyimtsü kanga yongyaba ajanga la atema sangro ka zülutsüogo.
Tena ya April 30, 2016 nü kiyimtsü sentong lir.
“Nai ammang ajak samadaktsür, nai temulung shirangba süngjemdaktsür…Nai ni yipru, anü tesashi aser tsünglu tulu ajangdanga anir aoer…Nai kü nem yimjung bener arutsür, Nai ni temeim agi moshia süngdaktsür aser kü taküm teti pela lidaktsür…” ta Karan-i zülu.
“Dhoom 2” film nung shilem agila, Bipasha dang na kü tembar aser kü meimla ta ashiba mapang Karan-i, “Nai kü dak tamang aser teimla ayuba ajanga ni ulua mebilemer ajisüaka ni melenshitsü tali jangja meteta akümer… Ni shitak inyakdang nai ni tushir ajisüaka aibelendangbo artsür… Nai taküm koda jangratemtsü lir ibaji angatetdaktsür… Na kü den teti aliba ama nia nü den teti atema alitsü ni nangzüker,” ta shisem.
Karan aser Bipasha Basu na ya ‘Alone’ film nung mezüng külemi tongti shilem agia liasü.
Karan asoshibo tan ya tasemben buba kibong akümer asütsü. Pa ya TV actress Jennifer Winget aser Shraddha Nigam na den mapang balala nung kibong kümer balaba sülen tan Bipasha den ajuruteperba lir.