Karan Singh Grover-i kinungtsü Bipasha atema ken ka zülu

Mumbai, December 17, 2016 : Actor Karan Singh Grover-i pa kinungtsü aser actress Bipasha Basu atema nüknürar ken “Right as rain” zülutsü.
Taküm April ita nung Bipasha den kibong akümsang Karan Singh Grover-i, “Iba ken ya lai ni atema bilemtsüba ajanga kü temulung nung kongshiba ajanga zülutsüba lir,” ta sangdong ka ajanga ashi.
Karan-i anogo shia ken tenshir aser pa Britain nungi rock ken mejema atenba kentener telok Dinosaur Pile-Up den külemi project ka inyaktsü.
“Alone” film nung tongti shilem agisang, Karan ya ano “3 Dev” film nunga angutsü. Iba film nung Tisca Chopra aser Kay Kay nati apuani na ama shilem agia lir aser otsü nungji kinungtsübo lai amangba nung kanga tashi tait saka kinungbo yamaji masü angutsü.
Iba film nung Kay Kay Menon, Kunal Roy Kapur aser TV actor Ravi Dubey nungeria shilem agia lir. Ravi Dubey atema screen tulu nung shilem agibaji tan ya mezüng asütsü.