Karbi Anglong nung lokti tentet 24-i mangsa longkak ait

Guwahati, April 21 (Agencies): Karbi Anglong Autonomous Council (KAAC) election agitsü mapang anasai aruba tensa ka nung Hokulbarnü Karbi Anglong, Assam nung tribal lokti tentet 24 nungi lanur noklang dak temai mangsa longkak aita jajaba ajanga yimden yimsüsüba nung temelenshi arutsüsa kümtagi.
‘Electoral roll’ melenshitsü asoshi takhangba agüja tribal lokdi 24 nung züngsemtemi Diphu town nung mangsa jaja. Sorkar temolung tali agütsüdaktsütsü nükjitong nung longkak aitertemi mangsa jaja.
Item lokditem ya KAAC election nung tribal nisungtem nem dang vote agütsüdaktsütsü asoshi takhangba agütsür. Tribal masüba nisungtem nem KAAC election nung vote agütsüdaktsüra tribal pur tejangraba raksatsütsü, ta longkak aitertemi ashir.
Longkak aitertem ya police temi apu aser mapang tatsüka lir chiok.