Karbi Anglong nung Naga nunger 3 tsükset; 4 yirua lir

Dimapur, February 20 (TYO): Bodbar anepdang 6:30 ako meta Karbi Anglong, Assam nung gari lendong tulu ka atalokdang Naga nunger asem asü aser pezü yiru.
Dokmoka Army Camp anasa Hari Tarogaon nung lendongji atalok.
Tasürtemji Visakholie Zütso (Kigwema village), Dr. Asenuo Linyu, Chief Veterinary officer aser Zakielhouvinuo (Donuo) Aier (Zhadima village, Longjang village) nungertem ta jangjaogo.
Iba lendong nung yirua alirtemji Pukroho Kin (Visewema village), Luolao Usuo (Nerhema) aser pastor, Angami Christian Revival Church, Burma camp, Dimapur Rev. Dr. Neikedozo Paphino (Pfuchama village) nungertem lir. Luolao aser Rev. Dr. Paphino nabo Guwahati-i anir ogo.
Iba osang zülu tashi nung gariji shibai ania liasü’ar mejangjatet lir.
Parnok ya Tura, Meghalaya nung sentong ka nung adentsü atema Innova (No.NL 01/H-6595) gari ka hire sür aodang gari jagi Hari Tarogaon apu indang tongshi nung atsükba sülen lenküpoklen tsükok ta osang angazüker.