Karbi Anglong nungi ozüng alema arurtem meindoker

Hojai-Karbi Anglong arrtsü nung ozüng alema alirtem meindokba mapa inyakdang agiba noksa angur. (Langkaijan, March 8)

Guwahati, March 8 (Agencies): Hojai-Karbi Anglong arrtsü anasa Langkaijan nung tensa mejungi küma lir. Karbi Anglong Autonomous Council (KAAC)-i iba tesem nung ozüng alema arurtem meindoktsü atema mapa inyakba ajanga tensa raksa.
March 8, 2019 nü anogo asemnübuba mapa inyakdang Karbi Anglong nungi district administration ketdangsertem aru.
Iba mapa nung kiojen 554 shi ka raksatsü aser iba mapang nisungtemi anema noktak.
Tanü Krishak Mukti Sangram Samiti (KMSS) züngsemtemi nisungtem meindokba mapa anema lungkak aitba sentong ka agi.
“No.1 Charkebasti tesem ya Hojai district kübok lir anungji Anglong district administration-i iba tesem nung alirtem meindoktsü tashi mali” ta iba tesem nung alir kati ashi.
Tanü nisung kari ketdangsertem noktangtsü merangba agi police-i süng agi züka senshidaktsütsü merang. Iba mapang nisung ka yiru.
“Tashishitsü aketba nisungtem ket nungi ali kümzüka ayutsü atema iba telemtetba agir mapa inyaker. KAAC-i lisopurtem kümzüka ayutsü atema iba mapa inyaker aser maneni inyaktsü” ta KAAC indang Chief Executive Member, Tuliram Ronghang-i ashi.