Karbonn-i smartphone tasen ka sayaogo

Bengaluru, August 20 (Agencies):Linük nung handset yanglur Karbonn-i Brihostibar nü sen jenjang 6,999 alang smartphone, Aura 9 Bengaluru nung sayaogo.

Iba smartphone nung aliba screen tasazükji inch pongu lir aser IPS-LCD keta lir. Pnone nungsa 4,000 mAh battery den 1GB RAM enokja lir. Ano telung nung memory 8GB enokja lir koba 32GB tashi ulua kümtettsü.

Aura 9 smartphone nungsa tejaklen five-megapixel aser tesülen eight-megapixel auto-focus camera mesenlokja lir.

“Aura 9 phone nung aliba operating system Android 4.4 KitKat nung Smart Gesture Control densema aliba ajanga phone shibanger alidanga dena application tem kara kara lapoka amshiteter. Aura 9 phone tem ajanga internet amshidang atsüdaka mayutsü aser India nunger oshi 21 tashi amshia internet amshitetttsü,” ta company ajanga phone sayaba mapang metetdaktsüogo.