Kardashian o West nati jala tenüng Chicago jatsü

Los Angeles, Aenjeti 22 (Agencies): Kim Kardashian aser Kanye West na jala tenüng Chicago jatsüba reality star yagi la indang app ajanga sangdongogo.
Lar jala ya surrogate tetsü ka ajanga taoba Tentonü aso, aser iba ya tena chir tasembuba lir.
Kardashian-i tenüng jatsüba dak sendakba nung kecha rassa meshi-i dang iba osang agütsü.
Arishi küm 40 tain West ya Atlanta nung aso aser Chicago nung yintet.
Kardashian, 37, aser West na arishiküm 4 jala North aser arishi küm 2 jabaso Saint-i sosema lir aser tang jala tanabuba so-ogo
“Keeping Up with the Kardashians” reality aser social media star-i ashiba agi, doctor-i la tanaben mashisa aküm nungbo temang nung timtem adoktsü, ta ashiba sülen surrogate ka ajanga tanur bena asotsü asoshi telemtetba agi.