Kareena Kapoor Khan ita 3 ser tesadang mashisa lir

June 01, 2016: Actress Kareena Kapoor aser la kinungbu, Saif Ali Khan na mezüng chir asotsü imladar, ta osang prokshidar.

Kareena-ibo la mashisa lir ta jembiba osangji tai ta shiogo, ajisüaka iba olulu maneni prokshir.

Spotboye.com osang ajanga ashiba agi, tang Kareena ita asem ser tesadang mashisa lir. London nungi osang ka ajanga, Nawab (Khan) aser Begum (Kareena) na mezüng chir asotsü imladart aser tawa tenati London semdangbaji aisüngzüktsü ateema semdangba liasü. Ajisüaka tenatibo iba atema official sangdong agüja mali.

Ano tanga osang ka ajanga ashiba agi, Saif Ali Khan aser Raj Kundra nati senteper film ka produce asütsü bangjemogo.

Spotboye.com. osang ajanga ashiba agi, tawa Nawab of Pataudi, Saif o Kareena na Raj Kundra aser kinungtsü Shilpa Shetty na kidang party ka nung denogo, iba mapang nung Raj o Saif na nüngdak kar jembia liasü. kasa party nung Sanjay Kapoor aser pa kinüngtsü Maheep nata densema liasü.

Kareena Kapoor Khan aser Saif Ali Khan na ya Bollywood nung nüknürar tajugtiba rongnung densema lir.