Karimganj nung IBIs 6 apu

Guwahati, August 18 (Agencies): Bangladesh nungi nisungtemi ozüng alema India telungi aitba maparen ya kanga bulua inyaker.
Assam-Tripura arrtsü anasa Karimganj nung police-i illegal Bangladeshi immigrants(IBIs) trok apu.
Par trok yagi Churaibari border, Tripura ajanga Assam telungi ait aser parnok Nepal-i aotsü sentong liasü.
Parnok Karimganj nung bus gari ka nung mener lia police-i gari mita aodang apu.
Par trokponglaji Bangladesh kübok Kacha Bazaar nungi Abdul Hayad, Abdul Sabur, Jalal Ahmed, Aamir Hussain, Mohammad Rafique aser Nurul Aamin nungertem ta jangjaogo.
Parnok ajak police ket nung yua lir.