Karnataka Assembly Speaker, Vishweshwar Hegde shim

Bengaluru, Chiteni/July 31 (Agencies): Bharatiya Janata Party (BJP) nungi trokben tashi MLA, Vishweshwar Hegde Kageri, tanü Karnataka Assembly Speaker shimogo.
Mongolbarnü pai Assembly Speaker atema nomination file süa liasü.
Kageri ya Sirsi constituency nungi MLA lir, aser pai nomination file asüdang pa den Chief Minister, B S Yediyurappa aser party nungi lenir taintem aika liasü. Taoba mapang pai Karnataka Education Minister-a inyaka liasü.
Pai mezüng Akhil Bharatiya Vidyarthi Parishad nung dena yimtenren nung ajemokba sülen 1994 küm mezüng Ankola constituency nungi takok ngua liasü. Iba sülen 2008 küm tashi pai kasa menden nungi asemben MLA inyak.
Karnataka nung constituencies delimitation sülen pai Sirsi menden nungi toktepa 2008, 2013 aser 2018 küm elections nung kasa menden nungi takok angu.
Hombarnü BJP-i trust motion takok anguba sülen mapang tatsüka tsüngda K R Ramesh Kumar-i Speaker menden nungi anena liasü.