Karnataka by-election nung BJP-i menden ana aser Congress-i ka ta ngutetogo

Bengaluru, February 16 (Agencies): Karnataka nung state assembly, by-election agiba nung opposition telok, Bharatiya Janata Party (BJP)-i menden ana aser tang yimsü tesüdak Congress teloki menden ka ta ngutetogo.
Hebbal assembly, Bengaluru North parliamentary constituency nungi BJP candidate Y.A. Narayanaswamy-i vote 19,149 agi congress candidate C.K. Abdul Rahman Sharief aser Janata Dal-Secular (JD-S) candidate Ismail Sharieff Nana na madak takok angu.
Narayanaswamy ya anaben tashi state legislative council nemden nung liasü aser pai vote ajak agi 60,367 angu. Pa sülen taoba mapang union minister C.K. Jaffer Sharief’er semchir, C.K. Abdul Rahman Sharief-i vote 41,218 angu aser Nana-i 3,666 vote angu.
Bengaluru nungi kilometre 510 shi pilar aliba Raichur district nung mekazüka aliba Scheduled Tribes (ST) Devadurga constituency nungi BJP candidate K. Shivana Gouda Nayak-i vote 16,871 agi congress candidate A. Rajashekhara Nayak aser JD-S candidate nungi Karemma G. Nayak na madak takok angu.
Candidate par asem ya kinünger lir aser iba tetoktepba nung Shivana-i vote 72,647, Rajashekhara-i vote 55,776 aser Karemma-i vote 9,156 ta ngua liasü.
Bengaluru nungi kilometre 690 shi pilar aliba Bidar tesem nungi Congress candidate Rahim Khan-i vote 22,721 agi BJP candidate Prakash Khandre aser JD-S candidate Md Ayaz Khan na madak takok angu.
Iba constituency nung Rahim-i vote 70,138, Prakash-i 47,417 aser Ayaz-i 4,421 ta angu.
Honibarnü agiba iba by-election nung Hebbal nungi voters noklang nung shilem 45, Bidar nungi shilem 61 aser Devadurga nungi shilem 67-i shilem agia liasü. Voters shilem agiba rongnung Hebbal nungi tajemba aser Devadurga nungi timba liasü.
Hebbal nung BJP-i sa iba menden angu saka Devadurga nung BJP-i Congress atsüngtok aser Bidar nungbo Congress-i BJP atsüngtok.
Hebbal nung BJP nungi R. Jagadish Kumar, Bidar nunga BJP nungi Gurupadappa Nagamarapalli aser Devadurga nung Congress nungi Venkatesh Naik nunger asüba ajanga iba by election agitsüsa aküm.