Karnataka election sülen anogo 2 lir petrol, diesel jenjang tuogo

New Delhi, Monupii (May) 14 (Agencies): Anogo 21 shi jenjang memelenshii arur tanü petrol aser diesel jenjang reprangshiogo aser India ajungalen poisa 20 shi ka tuogo.
Tanep 6:00 ako nungi totzü jenjang tasenji yamai lir. Petrol- Rs 74.80 (Delhi), Rs 77.50 (Kolkata), Rs 82.65 (Mumbai) aser Rs 77.61 (Chennai). Diesel- Rs 66.14 (Delhi), Rs 66.68 (Kolkata), Rs 70.43 (Mumbai) aser Rs 69.79 (Chennai).
Tanü jenjang reprangshiba sülen diesel jenjang tasaktiba kümogo.
Karnataka assembly election agiba sülen anogo ananü dang lir petrol aser diesel jenjang reprangshimogo.
Sorkar meyong totzü company temi anogoshia totzü jenjang reeprangshima aru saka taoba anogo 20 tashi jenjang memelenshii dang aruba ajanga nisung aikati Karnataka election nung BJP ajangzüktsü atema Centre sorkari totzü company tem sota ayu südi ta nisungtemi jembir.
Rongchii (April) 24, 2018 nugi totzü jenjang mereprangshii dang aru. Iba mapang crude oil jenjang barrel ka nung $74.50 shi liasü aser Monupii (May) 11 tashi nung barrel ka nung $77.50 tashi ajungketa liasü.
Sorkar meyong totzü company tem- Indian Oil Corporation, Bharat Petroleum Corporation aser Hindustan Petroleum Corporation-i taoba anogo 21 tashi totzü jenjang memelenshiba atema ola madoker aser külen Centre-ia petrol o diesel jenjang latetba nung parnoki tebang mayir ta ashir.