Karnataka election: Times Now-VMR exit poll osang

New Delhi, Monupii/May 12 (Agencies): Karnataka Assembly election nung Congress aser BJP napronglai menden aika atongtepa angutsü; party kati danga majority angutsü mejangjar, ta tanü Times Now-BMR exit poll ajanga metetdaktsü.
Assembly menden 224 aliba assembly, Karnataka nung ruling party, Congress-i menden 90-103 tsüngda angutsü aser BJP-i menden 80-93 tsüngda angutsü. Tasembuba jenjang nung JD(S)-BSP teloktepi menden 31-39 shi aser tanga party temi menden 2-4 angutsü, ta kasa poll ajanga metetdaktsü.
Times Now-VMR exit poll data ajanga, tan election nungbo BJP-i menden aika angutsü ta sayur, kechiyong 2013 küm election nungbo BJP-i menden 40 dang nguteta liasü.
Ano külen Assembly nung tang Congress party züngsem 122 lir, ajisüaka election sülenbo züngsem 96 shi dang asütsü.
Exit poll ajangasa BJP-i Central Karnataka aser northeast Karnataka na nung Congress dang nungi vote shilem timba akumtsü sayur. Ano state tzüyimkümlen, greater Bangalore, old Mysore aser Mumbai Karnataka nung Congress party vote shilem timba asutsü.
Tanü Karnataka assembly elections nung vote agütsütsüpur shilem 70-i vote agütsüogo. Assembly menden 224 nungi menden 222 atema candidates 2,600 dak temai toktepa liasü. Monupii/May 15, 2018 nü votes azüngba sülen election osang sangdongtsü.
Tan election nung Congress aser BJP na kanga atongtepa tokepogo, ajisüaka sorkar akumba nung JD(S)-i tongtibang shilem ka agitsü ta election observers-i bilemer.
Ano tanga exit polls balala ajanga asadangtetba:
* Times Now Poll of Polls: BJP- menden 97, Congress-i menden 91, JD(S) den teloktepi menden 32 aser tanga party temi 2.
* C-Voter exit polls: Congress-i menden 87-99, BJP-i menden 97-109, JD(S) den teloktepi menden 21-30.
* Axis My India exit polls: Congress-i menden 106-118, BJP-i menden 79-92, JD(S) den teloktepi menden 22-30 aser tanga party temi menden 1-4.
* Jan Ki Baat exit polls: BJP-i menden 95-114, Congress-i menden 73-82, JD(S) den teloktepi menden 32-43 aser tanga party temi menden 2-3 angutsü.