Karnataka nung portfolio lemzüktsüba nung MLA tem melung masür

Bengaluru, Aami/June 09 (Agencies): Karnataka Chief Minister, HD Kumaraswamy,-i tayonyzükba tensa tasen ka ajurudar, kechiyong portfolio alemba onük nung Congress aser JD(S) MLA tem melung asüba jungkai adoker.
Minister aikati parnok nem lemzüktsüba portfolios agi melung mesüi Gowda’er kibong aser Congress bangdak lenirtem anema ola adokdar.
Chief minister-i pa asoshi tongtibang portfolio ana- Finance aser Power agiba den külemi tanga ministries 12 shi agiogo.
Congress aser JD(S) lenir kari portfolio ana tedi, HD Revanna nem agutsüba anema ola adoker aser JD(S) MLA, CS Puttaraju-i Kumaraswamy-i pa nem portfolio tila (Irrigation) agutsüba agi melung masür.
Gowda’er kinünger, DC Thammanna nembo portfolio tajung (Transport) agütsü, ibayongji Puttaraju pusemertemi pa dang iba (Irrigation) portfolio ji magitsü ajungshir.
Ano külen Congress party nungia MLA 15-20 shi nem minister menden magutsübayong parnoki yimjak nung bangdak lenirtem anema ola adokdar.
Congress lenir tain ana- RV Deshpande aser KJ George na nem portfolio tajung agutsü. Deshpande nem Revenue aser George nem Industries, Commerce, IT & BT portfolio agutsü. Ano Krishna Byregowda nembo ministries aika agutsü, aser item rongnung Rural Development, Panchayati Raj, Law & Parliamentary Affairs densema lir.
Mallikarjuna Kharge’er jabaso, Priyank Kharge nem Social Welfare portfolio aser UT Khader nem Urban Development portfolio agutsü.
Deputy chief minister, G Parameshwara nem Home aser Bengaluru Development portfolio agutsü aser ibaji MLA aikati ashishia Bengaluru Development portfolio ji agientsü akhanger.
DK Shivakumar nem Water Resources aser Medical Education portfolio agutsü, Independent MLA, R Shankar nem Forest, Ecology & Environment ministries aser Shivananda Patil nem Labour portfolio agutsü.
Ano JD(S) lenir, GT Deve Gowda nem Education portfolio agutsü, ajisüaka pa nem Power aser PWD melemzüktsüba atema pai mepelai ola adokdar.
Item tatalokba ajanga taoba Chief Minister, Siddaramaiah mepelar, aser iba onük nung tiyongtsüi ia jembitsü atema Congress bangdak lenirtemi pa nem mapa nungloktsüogo.
JD(S)-Congress teloktepi tekaratiba nung tangatettep ka dangi marura sorkar anokshitsü aser BJP jenjang ajungtsüa akok.