Kashmir nung ano curfew benokogo

Srinagar, September 02 (Agencies): Ano maneni Srinagar densema Kashmir tesem aika nung curfew ozüng benokogo.
Hokolbarnü Muslim nunger sarasademba mapang atongtsü lia Srinagar district tesem ajunga aser Kashmir Valley nung jilatem nung curfew ozüng benok.
Police ketdangser kati ashiba agi, curfew benoka aliba jilatem rongnung Anantnag, Pulwama, Kulgam, Shopian, Baramulla aser Pattan densema lir.
Paisa, “Hokolbar anogotem nung sarasademba sülen rara adokba ajanga nisung tali adenshiba nokdangba ozüng benokogo,” ta ashi.
Hombarnü Kashmir tesem aika nung curfew agiener liasü aser iba sülen anogo ana lir tesem ajaklen iba ozüng agien.
July 8 nü Hizbul Mujahideen commander, Burhan Wani tepsetba sülen Kashmir nung nüburtem libaliro mejungi kongshir anogo 56 jungogo, aser kasa mapang nung nisung 70 tashi süogo.
Separatists temi September 8 nü tashi nokdangtsü anogo atsülangogo aser nüburtem dang September 3-4 anogotem nung Srinagar Airport lenmang nokdangang ta tuyuogo. Iba anogo nung Union Home Minister, Rajnath Singh leniba nung party ajak nungi  teshimtet lenirtem telok kati Kashmir semdangtsü.