Kashmir nung ghonda 24 tsüngda kiralongrar 10 tepsetogo

Jammu, May 27 (Agencies): Honibarnü Indian Army-i, Pakistan-i Kashmir nung kiralongra proktsü atema merangba mapa nokdangteta Hokolbar nungi tenzüka tanü tashi nung army temi kiralongrar 10 tepsetogo, ta metetdaktsü.
“Temeshi ita- Ramzan atongtsü lia Pakistan aser Pakistan nunger agency temi state nung kiralongra mapa inyaktsü merangba anema security sepaitemi mita aoba maparen nung takok nguogo,” ta tanü Nothern Command indang Defence otongdar kati metetdaktsü.
Tesüiba ghona 24 tsüngda arrtsü alema aiter aser kiralongrar 10 tepsetogo, ta paisa metetdaktsü.
Rampur sector nung aliba Line of Control (LoC) nung tang security sepaitemi telungpur anema mita toudak lir, aser iba tesem nungji prangpong bener ozüng alema arrtsü adena aiter trok tepsetogo, ta pai ashi.
Ano tanga tatalokba ka nung Tral, South Kashmir nunga kiralongrar ana tepsetogo, ta paisa shisem.
Hokolbarnüa Uri sector kübok LoC nung kiralongrar ana tepseta liasü.