Kashmir nung injang agi yirur aliba army colonel ka asü

Srinagar, November 17 (Agencies): Jammu & Kashmir, Kupwara district nung Mongulbarnü army aser telungpur na kahtepba mapang yirur aliba India Army colonel ka mozü kidang süogo, ta ketdangertemi ashi.

41 Rashtriya Rifles commandant, Colonel Santosh Kumar ya Kupwara district nung aliba Wanigah min nung telungpur den kahtepba mapang yiru, ta police ketdangser kati Srinagar nung IANS den jembidang ashi.

“Kasa lendong nung state police, Special Operations Group (SOG) nung constable-a ka yirusem,” ta kasa ketdangser jagisa ashi.

Iba constable ji yirur aliba army tulursang anientsü merangdang yiru, ta pai shisem.

Colonel Santosh Kumar-i anir telungpur mita oa operation agidang iba lendong atalok.

Army ketdangsertemi, kahtep dang Colonel Santosh Kumar kanga mejungi yiruba ajanga tayimtsü nung Srinagar mozü kidangi anir aru, ta osang tejangja metetdaktsü.

Line of Control (LoC) ajanga India telungi telungpur telok raradang amshiba oset peria bener aita lir ta angashia Hokolbarnü Kupwara district nung sepaitemi min tuluka meketbanga liasü.

Hokolbarnü iba min meketbangdang Rashtriya Rifles sepai ana den arrtsü len mitkar ka dena yiru.