Kashmir nung lenirtem ka khen ka khen ta chioktsü

Srinagar, October 04 (Agencies): Jammu & Kashmir administration-i, tang Kashmir nung pua aliba yimtenren lenirtem ka khen ka khen ta chioktsü, ta metetdaktsüogo.
Jammu & Kashmir Angh, Satyapal Malik indang Advisor, Farooq Khan-i, “Lenirtem shia asadangba sülen chioktsü,” ta metetdaktsü.
Centre sorkari Jammu & Kashmir nung Arrla 370 agientsü lia anogo ka jakdang taoba mapang chief ministers- Mehbooba Mufti aser Omar Abdullah na densema regional party balala nungi yimtenren lenirtem aika pua liasü.
Jammu & Kashmir nung police aser security sepaitem tali lemzüktsüba dak sendakba nung tasüngdangba ka langzüdang Khan-i, tang kiralongra amokmerenbo mali saka iba ya lendong nokdangtsü atema lir, ta metetdaktsü.
Paisa, “Police, Army aser BSF sepaitem ajaki kiralongrartem anema inyaktsü,” ta ashi.
Centre sorkari Jammu & Kashmir nung Arrla 370 agientsü atema telemtetba agiba anema nija balalai ken o benoka lir, aser iba dak sendakba nung Mongolbarnü Supreme Court-i item ken oji November 14 nungi angadangtsü lemtetogo.
Justice N V Ramana leniba nung judge pongui akümba bench kati Centre aser J&K administration na dang counter-affidavits agütsütsü atema temelaba agütsüogo.