Kashmir nung LeT Commander ka den telungpur ana tepset

Srinagar/New Delhi, August 17 (Agencies): Tanü Jammu & Kashmir kübok Pulwama district nung security sepaitemi Lashkar-e-Taiba (LeT) district commander ka tepsetogo, ta police-i metetdaktsü.
Pulwama district kübok Kakapora tesem nung telungpurtem aliba osang ka lazükba sülen sepaitemi telungpurtemji mita ao.
“Pulwama nung sepaitem den khatepdang LeT District commander, Ayub Lelhari tepsetogo,” ta police otongdar kati metetdaktsü.
“Lelhari tepsetba ya telungpurtem anema raraba nung ano takok tulu ka lir,” ta paisa ashi.
Ano tanga osang ka nung kiralongrartemi J&K kübok Gurez sector nung arrtsü adena aittsü merangdang ana tepset.
“Yashi nikongdang Kundalwan kübok Thurmut tesem nung sepaitemi kiralongrartem angu. Iba sülen raradang telungpur ana tepset,” ta sepaitem osang ka ajanga metetdaktsü.