Kashmir nung longkak ait tenzüker anogo 88 jungogo, nisung 90 süogo

Srinagar, October 04 (Agencies): July 8 nü sepaitemi Kashmir nung telungpur commander, Burhan Wani tepsetba sülen tanü agi anogo 88buba longkak aita liasü.
Ketdangsertemi ashiba agi, Central Reserve Police Force (CRPF) aser state police tesem ajaklen mapa lemzükja lir.
Mongolbarnü longkak aittsü atema Separatist temi Kashmir nung tetsürtem ayongzüka liasü. Parnoki tetsürtem dang yimti tiyong, shishilembaba tesem aser traffic point nung adenshir longkak aittsü ayongzük.
Tesüiba anogo 88 tashi Kashmir nung school, college aser university tem shibanga lir.
Iba dak alia shishilembaba tesemtem, public transport aser tanga business ajak shibanga lir.
Kashmir nung longkak ait tenzüker tang tashi nung nisung 90 süogo aser nisung 12,000 dak tema yiruogo.