Kashmir nung raradang telungpur ana den army ka asü

Srinagar, December 04 (Agencies): Hokolbar nü north Kashmir, Kupwara district nung security sepaitem aser telungpur na tsüngda kahtepdang telungpur ana aser army ka süogo, ta army ketdangser kati ashi.

Kupwara district, Handawara kübok Wadder Bala yimtsüng nung telungpur lir ta osang ka lazükba sülen security sepaitemi telungpur anema operation ka agia liasü, ta ketdangserisa ashi.

Telok ana tsüngda kahtepdang telungpur ana süogo, ta pai ashi.

“Iba operation mapang sepai ka taküm tenla agüja süogo aser sepai ka yiruogo,” ta ketdangserisa shisem.