Kashmir nung security sepaitemi telungpur asem kahset

Srinagar, April 21 (Agencies): Jammu & Kashmir, Kupwara district nung security sepaitem aser telungpur na tsüngda tang teraratak lir, aser Brihostibarnü security sepaitemi telungpur asem kahsetogo, ta ketdangsertemi ashi.

Srinagar yimti nung osangbenertem den jembidang police ketdangser kati, telungpurtemji Patushai yim nung tepset, aser telungpur kabo tang tashi iba tesem nungji alitsü südi, ta metetdaktsü.

Iba tesem nungji telungpur aliba osang ka lazükba sülen Rashtriya Rifles sepaitem aser Jammu & Kashmir Police indang Special Operations Group senteper telungpurtemji mita oa liasü.

Asürtem ket nungjagi AK-47 prangpong asem ngutetogo.