Kashmir nung sepai ka aser telungpur pezü tepset

Kashmir, June 16 (Agencies): Kashmir nung aliba Line of Control (LoC) anasa Tangdhar sector nung taoba anogo asem tsüngda telungpurtemi anaben tashi arrtsü adena aittsü merangdang tanü army temi telungpur pezü tepset aser sepai-a ka süogo.
“Tanep LoC anasa Kupwara district kübok Tangdhar sector nung telungpurtemi arrtsü adena aittsü merangba army-i nokdangtetogo. Mezüngbuba kahtepdang telungpur ana kahset aser sepai ka yiru,” ta army ketdangser kati ashi. Yirua alisang sepaiji tesülen asü, ta paisa ashi.
Ketdangseri, army temi maneni operation aodang telungpur ana tepset, ta ashi.
Mongolbarnüa Kupwara district kübok Machhil sector nung telungpurtemi arrtsü adena aittsü merang, ajisüaka army temi nokdangteta liasü.
Anogo ananü operation aodang telungpur ka tepset aser sepai-a ka asü. Kasa operation nung sepai pezü tashi yirua liasü.