Kashmir nung sepai kati kiralongrar 4 tepsetba sülen pa-a asü

Srinagar, May 27 (Agencies): Feet 13,000 tema nung aliba Shamsabari range nung arishi küm 36 Havildar, Hangpan Dada-i kanga tasüita raradang kiralongrar pezü kahsetba sülen paa asü.
Prangpong sashia bena aliba kiralongrartemji Pakistan occupied Kashmir (PoK) nungi North Kashmir telungi aita liasü.
Yaküm küm tatemlen nungi pa yangji mapa lemzüka liasü. Brihostibar nü Dada’er teloki kiralongrartem senzüba anguba sülen tanü tashi parnok den kahtep.
Pa 1997 küm Assam Regiment nungi Army nung aden aser 35 Rashtriya Rifles nung liasü. Tang parnok ya telungpurtem den raratsü mapa lemzükja lir.
Hokolbarnü senior Army ketdangser kati, Pakistan-occupied Kashmir (PoK) nungi aiter kiralongrartem den raradang pa kanga mejungi yiru, ta ashi.
Pa kanga mejungi yirur liaka pai pa taküm kümzüktsü mapayui kanga tasüita rara aser linük atema taküm bendanga agütsü, ta ketdangserisa ashi.