Kashmir nung sepai pezü aser telungpur ka asü

Srinagar, October 05 (Agencies): Tanü Kashmir Valley, Kupwara nung aliba arem ka nung sepai aser telungpur na tsüngda sashia kahtepdang sepai pezü süogo, aser tanga tatalokba ka nung telungpur ka kahsetogo.

Handwara, Haphruda arem nung telungpurtem aliba osang angazükba sülen parnok mita aoba mapang sepai aser telungpur na tsüngda sashia kahtepdang sepai pezü taküm samaogo, ta Army otongdar kati ashi.

Ano tanga tatalokba ka nung kasa district, Lolab tesem nung telungpur mita aodang telungpur ka kahsetogo, ta paisa ashi.

Yashi-a Pulwama district nung Jaish-e-Mohammad (JeM) telungpur ana kahsetogo, tenaji Pakistan nunger asütsü südi ta melung melemi bilemer. Kasa rara nungsa sepai kata yirua liasü.

Telungpur anaji Salim (Adil Pathan) aser Rehman (Burmi) liasü ta jangjaogo, ta police osang ajanga ashi.

Pakistan nung amenoka aliba Jaish-e-Mohammad (JeM) telungpur teloki December 13, 2001 nü Parliament House amakba densema Jammu & Kashmir aser Delhi na nung kiralongraba mapa aiben inyakogo.