Kashmir:Election lendong nung nisung pezü asü

Srinagar, April 9 (Agencies) : Deobarnü Srinagar-Budgam parliamentary menden atema by-election agiba anema longkak aitertem dak security temi injang agi akhadang tajemba agi nisung pezü kahset.
Tasür rongnung parnok nisung ana Charar-e-Sharif assembly, Budgam kübok Dalwan yimtak khaset aser Beerwah o Wathura tesemtem nungia nisung kaka asü.
Longkak aitertemi Dalwan polling station amakba mapang polling staff tem kümzüktsü mechi nung secutiry temi injang agi akhaba mapang EVM koltem raksa aser ibaji ajanga vote agütsütsü mokoki aküm, ta osang ajanga ashi.
Ano Beerwah nunga telok kati bus ka nung mi senoktsü aser EVM koltem raksatsü, ta police sangdong ka ajanga metetdaktsü.