Kashmir:Gari lendong nung CRPF 4 yiru

Srinagar, December 13 (Agencies) : Mongulbarnü Jammu & Kashmir kübok Pulwama district nung gari lendong ka atalokdang Central Reserve Police Force (CRPF) züngsem pezü (4) yiru, ta police-i ashi.
Pampore jila nung CRPF telok mena aliba gari ka dak Srinagar-Jammu national highway yangludang amshiba crane ka agi atsük.
“Iba lendong nung CRPF 4 yiru. Yirur alirtem ajak mozü kidang anir oa yaridar. Lendong ataloker külen iba national highway nung mapang tatsüka atema garitem mejajateti aküm,” ta police ketdangser kati ashi.