Kashyap Japan Open 3 buba round tongogo

Tokyo, September 10 (Agencies): London Olympics quarterfinalist, India nunger Parupalli Kashyap-i 2 buba round asaya koka tang tasayadak Japan Open badminton asayamong tebur singles shilem indang 3 buba round asayatsü jenjang tanü Brehostibar nü ajangzükogo.
Kashyap-i tanü minute 17 nung points 21-11, 21-19 ngua külem sensopur, K. Srikanth 2 round nung tsükdaktsü.
Ajisüaka, tetsür World No. 1, India tsür Saina Nehwal-i tanü tamakok ajuruba osang jangjaogo.
World No. 18, Japan tsür Minatsu Mitani-i tanü minute 40 nung points 21-13, 21-16 ngua Saina tetsür singles shilem indang 2 buba round nung tsükdaktsü.
Korea nunger Lee Dong Keun-ia points 21-9, 21-16 ngua India nunger HS Prannoy tsükdaktsüba den külemi, tetsür doubles shilem nunga Jwala Gutta aser Ashwini Ponnappa nati yashi tamakok anguba yong Kashyap kisüngi tan asayamong nung maneni toktepa shilem agitsü jenjang ngua lir.