Kashyap, Prannoy US Grand Prix Semi-final-i iogo

Anaheim, July 22 (Agencies): Commonwealth Games champion Parupalli Kashyap aser H S Prannoy na US Open Grand Prix Gold tebur kicha badminton asaya nung Honibarnü pei tata asaya koka semi-final tongtetogo.
Kashyap atema ita tenet tsüngda nung tang ang international asayamong ka nung semi-final tongteter asütsü. Pai külem India nung asayar Sameer Verma madaka 21-13, 21-16 agi takok angu. Pa semi-final nung Korea nunger Kwang Hee Heo den asayatsü.
Kashyap taoba küm December ita Korean Open nung semi-final tongteta liasü.
Prannoy atema iba season nung tanabuba semifinal nung shilem agitsüba lir. Pa taoba ita Indonesia Super Series Premier nunga semi-final tongteta liasü.
Second seeded Prannoy-i tanü asaya nung Japan nunger Kanta Tsuneyama madak 10-21, 21-15, 21-18 agi akok. Tena tsüngda asaya Anaheim Convention Center Arena nung ghonda ka shidak asayaa liasü.
Parannoy taruba asaya Vietnam nunger Tien Minh Nguyen den asayatsü, shibai 2012 Badminton Asia Championship nung Parannoy koka lir. Tena tsüngda tang tashi nung khen dang asayaa lir.
Tebur tarep asaya nung India nunger Manu aser Sumeeth nati 21-18, 22-20 agi Japan nunger Hiroki Okamura aser Masayuki Onodera na madak takok angu. Tena taruba asaya Chinese Taipei nunger Lu Ching Yao aser Yang Po Han na den asayatsü.