KASSU-i sen talila agiba magizüker: KADTA

Dimapur, Rongchii (April) 11 (TYO): Karbi Anglong Sand and Stone Mohaldar Union (KASSU)-i Deopani NH 39 nung money receipt magütsüi sen 7500 meshia agiba khuret atema Rongchii (April) 11, 2018 nü Karbi Anglong Dimapur Transporters Association (KADTA)-i senden ka ayonga amen.
Iba senden nung lisem abenba gari kibur aser driver tem aden. Taoba mapang mohal nungbo sen 6000 dang agütsü saka KASSU-i sen 1500 talila temloker agiba atema khuret lemsatep aser tatem nung mohal nung driver temi lusem shimba sülen ang sen agütsütsü atema telemtetba agi, ta KADTA tir Anil Toppo aser tezülur Nito Sumi nati sangdong ka nung ashi.
Union office-i sen saruba inyakyim manendaktsü tashi driver temi Deopani aser Koilamati tesemtem nung mesenzütsü lemtet, ta KADTA mendenpurtemisa shisem.