KAT-i Meyikumzuk Jamir aitsür

Dimapur, August 17 (TYO) : Chuchuyimlang nunger Watitemjen Jamir’er jabaso Meyikumzuk Jamir-i August 11, 2016 aonung Merhulietsa colony Kohima nung tetsür tanur ka tashiyim agi raksatsüba kukua aitsür, ta Kohima Aor Telongjem (KAT)-i Bodbarnü sangdong ka nung metetdaktsü.
Meyikumzuk Jamir ya Kohima nung telidak nisung ka masü aser pa KAT züngsem-a masü. Pai tashiyim agi tetsür taküm raksatsüdang Ao kin tenüng amshiba KAT-i süoki agir, ta KAT President, Er. Talitoba Sanglir aser General Secretary, Imsünok Jamir nati sangdong nung shia lir.
Tanutsüla aser lar kibong den Kohima Aor Telongjem (KAT)-i tejashi lemsateper aser ozüng amertemi aibelener nem tapet temerenshi agütsütsü akhanger, ta KAT mendenpurtemisa metetdaktsü.
KAT-isa takoksa ajurur, lar kinungertem aser Khiamniungan nunger ajak dang nisung ka kijai tesempatsü mapa inyakba ajanga akhidang nungi asen kin ana tsüngda tesentaktep tajung aliba raksatsüsa tensa majurudaktsüli, ta KAT-ia mepishia metetdaktsü.
Kohima Aor Telongjem (KAT)-i Meyikumzuk Jamir ozüng tapet agi merenshitsü, ta mendenpurtemisa sangdong nung shia lir.