KAT-i Temjen Toy nem tetushi agutsü

Kohima, March 02 (TYO): Nagaland Chief Secretary, Temjen Toy, IAS state Chief Secretary shimba atema tanü Kohima nung par kidang Kohima Aor Telongjem (KAT) ketdangpurtem aser lenirtemi pa anema tetushi agutsüogo, ta ketdangsertem osang ka ajanga metetdaktsü.
KAT züngsemtemi par züngsem ka Chief Secretary shimba atema pelar aser nüma atanger, ta metetdaktsü.
KAT-isa pa dang, parnoki akokba tashi nungita amalitepa yaritsü, aser Chief Secretary ka ama pa maparen ajunga nung takok ngudakjang ta moatsür, ta lemsatep.
Temjen Toy, IAS Chief Secretary-ia KAT-i temeim mapa tajung sayuba aser maneni pa nungitba atema pelaba lemsatepba den külemi pai tajungtiba agi Nagaland nung aliba nübur tenzüktsü, ta metetdaktsü.