KAT ketdangpurtem tasen shim

Kohima, April 12 (TYO) :  Kohima Aor Telongjem (KAT) lokti senden April 9, 2016 nü Molu kidang amenba mapang taküm 2016 küm nungi 2018 tashi KAT lenitsü asoshi tir Er. Talitoba Sangliri anir tadong tir Wb.Chiden Yaden, Tongti zülur Wb.Imsünok Jamir, repsem zülur Wb.Moameren Imchen, kimen Wb. Impalong Longkumer aser senotsü ketdangser Wb.Sentiyanger Pongen asütsü shimtetogo.
Iba lokti senden nung tongti o jembir, Wb.Toshitsüngba Aier, IPS-i Aortem dang Naga nunger yimten aser lokti tebilemtsü kokteta aotsü asoshi Ao kini lenisüba tajung agütsütsü nüngdaka kümogo ta metetdaktsü.
Iba kasa senden nung Parliamentary Secretary aser KAT kimen Wb.T.Amenba Yaden IFS (Rtd), KABA sannüker Rev.M.Asangba aser tebu tedi Wb.T.Imchen IAS (Rtd) nungertemi tepela aser tajungshi o jembia liasü.
Iba senden nungsa Kohima Watsü Talen aser Longmisa Senso Telongjem Kohima purtemi ken aten aser KABA Home Evangelist, Wb.Senti Lkri senden tenzüka sarasadema liasü.