Kate Moss kibong kümzüktsütsü atema US-i aotsü

August 13, 2015: Kate Moss tang azünga aliba mapang Kills nung guitar atemer, tebuba Jamie Hince tena kibong kümzüktsü asoshi US-i aotsü.

Arishi küm 41 tain, supermodel, Kate ya tebuba Jamie Hince den kibong kümer küm pezübuba nung, tesüiba ita khen tatsüka asoshi pila liasü, ajisüaka lai tekaratiba nung iba dak sentakba nung tajung kati arua jembinüba ajanga tang la azünga aliba mapang US-i aotsü lemtetogo.

“Tena tsüngda tesendaktep ajak raksa asü meraksa’ar metettsü asoshi tena ajuruteptsü. Tena tsüngda ano temeim ulua lir. Phone nunga aiben jembiogo,” ta osang ka ajanga ashi.

“Kate-i tang tashi wedding ring inoka lir aser taruba ita la tour medenzükdangsa Jamie den ajurutetpner. Lai ma, ta ashiba maginer aser Jamie-ia la asoshi kanga bilemer. Pa i, tena tsüngda tapu aika bentettsü lir ta jangja lir,” ta kasa osang ajangasa ashi.

Tena pilaa aliba mapang nung Kate-i tesüiba mapang la tetong asüsang Jefferson Hack dak jenoka liasü. Kate ya Jefferson Hack den arishi küm 12 jala, Lila Grace lir aser lai Niagara Falls tashi pa dak jenoktsü asoshi ao.

Kate aser Jefferson na kanga ajuruteper aser pai la azüoka ayur, la joko party nung kanga madener aser Jamie den tesendaktep tajungba kümner. Tena melungjemtet ka asünunga lai pa den medemer danga süner,” ta osang ajanga ashi.

“Jefferson denbo yamaji süteter nung Jamie dena kodaser majungtsü,” ta Kate-i ashi.