Kate Moss o tedong, Bismark nati lungjemer noksa kaket ka adoktsü

London, January 25 (Agencies): Supermodel Kate Moss-i tedong, Count Nikolai von Bismark den aroki lungjemer noksa balala aketba coffee table kaket ka menünga adoktsü maparen tenzükba osang ka femalefirst.co.uk.-i metetdaktsüogo.

Kinungbo & kentener, Jamie Hince den anosa mebalai liaka, arishi küm 41 tain Kate-i ita ishika tejaklen nungi tenzüka arishi küm 28 tain Bismark den kazüba osang jangjaogo.

“Arishi küm 13 tain aliba mapang nungi tenzüka noksa kanga dang temulung agüja agia bendensang, Bismark-i Kate den kazütsü tenzükba sülen la indang noksa balala agia bendentsü tenzük aser item noksatemji amshia, tenati coffee table kaketji adoktsü sentong renema lir,” ta Britain nung adokba Grazia magazine-i metetdaktsü.

Kate o Bismark nati mezüngbo tena kazüba osang alima dang memetetdaktsüi mimbanga ayutsü merang saka noksa agir kari tan January ita tetenzüklen tena Brazil nung teka amteper senzüba noksa agia osangkakettem nung adoktsüba sülenbo Kate-i Bismark den odi odia ajuruteptsü tenzükogo.