Kate Winslet arishi küm 40 ajung nü ‘pressure cooker’ ka aginer

September 29, 2015: Film nung tongti shilem agila, Kate Winslet October 5 nü arishi küm 40 ajungnü benjung tulu ka kanür aser iba benjung asoshi, aontsü dena shi mesüra ango nung kechisarena enoka asoba aon (bone broths) asotsü atema pressure cooker ka aginer.

Lai, tangari junga angutsüsa kanga junga renemer ni asoba anogo amungtsü. Bone broths yanglutsü atema ni pressure cooker ka nüngdaker ta ashidang ‘Steve Jobs’ film nung la den külemi tongti shilem agisang Michael Fassbender-i aji kechi atema, ta asüngdanga liasü.

Idangji lai, “Shi teret aika den lasüng, piyas aser süngolemba aika enoker metaba ajanga bone broth akümer. Iba ya ghonda 12 metaba ajanga temang nem timtem aliba dena ajunger,” ta langzüa liasü.

Arishi küm 38, Michael ibaji angashia kanga süngmanga liasü aser pa nema iba aonji sotsüra la nem pressure cooker alitsütsü ta shiogo.

Kate ya mezüng tebuba Jim Threapleton den arishi küm 14, jala Mia, tanabuba tebuba Sam Mendes den arishi küm 11, jabaso, Joe aser tang aliba kinüngbu Ned Rocknroll den arishi küm 1 ser ita tuko, jabaso Bear nunger agi sosema lir.