Kate Winslet ket nung computer mali

November 30, 2015: Mezüng tebuba den tanur ana (jala Mia, arishi küm 15 aser jabaso Joe, arishi küm 11) aser tang aliba tebuba, Ned Rocknroll den ita 23 tanur, Bear agi sosema alila, Kate Winslet-i technology tasen memetet ang shisangaka mesasai lar tanurtem nem iba amala oset mamshidaktsür, ta femalefirst.co.uk ajanga metetdaktsü.

Lai, “Ni iba amala oset amshitsü mashiba aser memetetba atema pelar kechiba süra yamaji asü nungdang ni computer malitsü. Tanga kü ket nung computer mali. Ozü kidang social media mali,” ta ashi.

“Ozü jala nem iPhone ang ka amshidaktsür aser ibajia aonungbo kü nem switched off ser agütsütsüla,” ta tanur atema bilemtsüla, Kate-i ashi.

“Tanur nem lanuwa mapang tajung ajangshitaktsütsüla. Technology ajak tain akümdang metettsü aser angazüktsü anungji shisa mebululi,” ta Kate Winslet-i ashi.