Kati ka den putepang

“Kü pelaba süngdaktsütsü asoshi putepa liang… telongjem liang, aser kati ka den putepang” – Filipi 2:2
Iba lai nung ya, Pauli asenok dang Khrista nung adianutem den temeim nung sentaktepa alitsü ajungshir. Pai longjemtsü aser putepba alitsü indang sayur. Asenok ajaki iba onok ya khen aroka bilemdangtsüla.
Yisui pa alima nung alidang kilir ama alitsü shimtet aser asenok Pa den pelatepa sentaktepa alitsü atema Pai asenok asoshi tematiba tenla agutsü. “Asenok temang tetenzük aser tabensadaktsüba Yisu, shibai pei jakdang, aliba tepela asoshi maksü arema kangki timtem aremzüka Tsüngrem chuba menden tajichilen amen” Ibri 12:2.
Puteptsüba tashiji asenoki Tsüngrem dang meshidi kechiaser Pai aji meimer aser asenok dang nungi iba tashi angabaji imlar, Yisu Khrista alima nung alidang ajak den kasa alitsü sayu. Yisuibo par nütsüng ter ana tetsünga shitoktsü. Putepba tashi tulutiba kaji aseni ajemalutsüla aser Tsüngrem temeim ochi agi metettsüla.
Joe Stowelli yamai ashir, Meilongibo nai tangar den junga otetba jakla nü dak ngua na kanga süngmangtsü”.
Sarasadem: O Tsüngrem, külemi Nü dak pelaa alitsü, Nü temeim tashi agüjangma. Amen