Katie Price den lungjemba agi pelar: Peter Andre

London, March 23, 2016 : Tesüiba mapang model asüla, Katie Price den tanaben medemer akümba ajanga ni kanga pelar, ta kentener Peter Andre-i ashi.

Tena ya kibong kümli nungi kanga asatepa dang arur 2009 küm bala.

Taoba hopta Brighton Centre nung Katie-i Peter Andre tena chirtem den la kinungbo Kieran Hayler dena Andre kenten sentong nung anir arua adenba ngua parnok sapurtem kanga süngmangtepa liasü.

Tena tsüngda joko mangatettep kecha mali ta sayuba temaitsü lai la tesüiba kinungbo Andre kinungtsü, Emily den külemi mener iba kenten sentong reprang aser la noksa-a ka tangok. Emily ya tang arishi küm 26 lir.

“Küna tsüngda yimjung akümba ajanga kena chir Junior aser Princess na kanga ajangzüktsü,” ta Andre-i ashiba mirror.co.uk osang ajanga metetdaktsü.

“Küna tsüngda iba terenlok tasen adokba aser lai la kinüngbo dena lar kibong ajak iba sentongi anir aruba atema kanga pelar. Tanurtemi kena tsüngda iba tesentaktep anguba ya kanga junger,” ta pai ashi.