Katrina Kaif-i Oxford University nung jembitsü

January 15, 2017 (Agencies): 2016 küm Katrina Kaif indang film junga meyanglutetaka, la alima ajungai meteta lir aser la sapurtem atema osang tajung ka lir. Kanga nüngtugu Oxford University nung Katrina ya lecturer ama o jembitsü.
Lar kibong London nung liaka, la kanga mazüngi aliba taküm ka süaka alima ajunga sema jajar. La Bollywood nung shilem agi tenzüker joko küm ter-shi jungogo aser film tajung aika nung shilem agia lir. February ita ‘Stage and screen field” indang onük nung O intepba sentong ka Oxford University-i ayongzüka agitsü lir, aser iba sentong nung Katrina Kaif O jembir asütsü.
Iba sentong nung Hollywood nungi Jeremy Irons, Robin Wright aser Annalynne McCord nungera adentsü lir.
Tesüiba nung Baar Baar Dekho film nung shilem agiba sülen, Katrina Kaif ya Jagga Jasoos film nung shilem agia lir aser iba film taküm sayatsü lir. Iba sülen lai shilem agiba film anu maneni sayatsü alibaji Ek Tha Tiger, Tiger Zinda Hai nungertem lir, aser iba film nung Salman Khan tena külemi shilem agidar.