Katrina Kaif Tenla kidang temulung raksa-a ajep

October 28, 2015: Bollywood actress Katrina Kaif tang ‘Fitoor’ film tangokba nung kanga mazüngi lir, aser yashi Bandra nung la Tenla ki kati tua angu.

Katrina Tenla kidangi atuba sülen Mother Mary kürakyanglu anasai aoba sülen temulung kanga raksa-a ajeb, ta 9Xe.com osang ajanga ashi.

Osang ajanga ashiba agi, Katrina Tenla kidangi atuba mapang la jashir ama angu, aser Mother Mary kürakyanglu anasa temulung kanga raksa-a ajep.

Noksa tangoker kati Tenla ki tashiji anitaka ao, saka pa dang noksa tetangok ta ashi, ta kasa osang ajanga ashi.

Ano tanga osang ka nung Ranbir Kapoor aser Deepika Padukone na ‘Tamasha’ film nung shilem kar agiba ajanga la jashir ta angazüker.

Tamasha trailer sayaba mapang nungi taoba mapang nüknürar- Ranbir Kapoor aser Deepika Padukone indang nüburtemi kanga jembidagi, ajisüaka Ranbir tedong Katrina bo mepelar.