Katy Perry-i Khristmas kensep ka adoktsüa akok

August 13, 2015: ‘Roar’ ken atenla Katy Perry-i Instagram video ka ajanga tebur pezü tejak nung mask semoker sentsü tesangwa sweater semer studio ka nung Khristmas süngdong ka anasa tangokba noksa ka lemsatepogo.

Iba noksaji ajanga, lai la sapurtem asoshi Khristmas kensep ka adoktsü südi ta bilemer.

Arishi küm 30 kentener Perry-i, la holiday album ka asoshi mazüngi inyakdagi ta Hombar nü Instagram ajanga lemsatepogo.

Iba video clip tatsü ka nung tebur pezü adokba noksaji studio ka nung tangokba ama bilemer. Noksa denji, “Kodang nenok soar telok kati August ita Khristmas ken ka züludir,” ta zülua lir.

Perry-i mapang shia Khristmas ken atener aser taoba mapang nunga lai Hotel Café ka nung “White Christmas” ken atenba ajanga la sapurtem jangratemdaktsüogo.

Mapang ka nung lai “Have Yourself a Merry Little Christmas” ken-a acoustic version nung tenogo.